Os candidatos galegos votan ao longo da mañá

|

Urna


A candidata de BNG á Xunta, Ana Pontón, será a máis madrugada este domingo electoral e depositará o seu voto ás 10,30 horas; mentres que Xoaquín Fernández Leiceaga e Luís Villares, cabezas de lista de PSOE e En Marea, respectivamente, farano ás 11,00, aínda que a algo máis de 100 quilómetros de distancia.


Pola súa banda, o presidente da Xunta e candidato á reelección, Alberto Núñez Feijóo, acudirá ao mediodía ao colexio Neno Jesús de Prada. Unha hora antes, tamén na cidade de Vigo, farao a cabeza de lista de Cidadáns, Cristina Losada, que curiosamente votará ao seu compañeiro de Pontevedra xa que ela preséntase pola Coruña.


Así, a candidata nacionalista acudirá ao Centro Galego de Arte Contemporánea (CGAC) para depositar ás 10,30 horas o seu voto. Ás 11,00 horas, tamén en Santiago, farao Leiceaga no reitorado da universidade compostelá.


Pola súa banda, o cabeza de lista de En Marea, Luís Villares, acudirá tamén ás 11,00 horas á Casa das Linguas, en Lugo, para expresar o seu voto.


O candidato de Compromiso por Galicia, Xoán Bascuas, exercerá o seu dereito a voto nun colexio rural da Baña, nas antigas escolas de Marcelle.


OUTROS DIRIXENTES


O vicepresidente da Xunta, Alfonso Rueda, depositará o seu voto ás 11,30 horas no Centro de Tecnificación Deportiva en Pontevedra; cidade onde tamén votará a presidenta do Congreso, Ana Pastor, no seu caso, no seu caso, ás 12,00 horas no colexio Campolongo.


A esa mesma hora, cando sexa mediodía, o presidente do Parlamento de Galicia, Miguel Santalices, acudirase no pavillón de Os Remedios de Ourense para depositar o seu sufraxio.


Tamén as 12,00 é a hora elixida para a votación da presidenta da xestora do PSdeG e deputada no Congreso, Pilar Cancela, que acudirá á Facultade de Filoloxía da Universidade de Santiago de Compostela.


Pola súa banda, o portavoz nacional de Anova, Xosé Manuel Beiras, exercerá o seu dereito a voto ás 12,30 horas no colexio electoral de Pedrouzos, no municipio de Brión.

relacionada ​Todos os partidos, salvo Ciudadanos, escollen Santiago para seguir o escrutinio
relacionada Arranca la jornada electoral
relacionada Coñeces todas as candidaturas que se presentan ás eleccións?

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress