Coñeces todas as candidaturas que se presentan ás eleccións?

|

Papeletasvoto


Un total de 58 candidaturas concorren ás eleccións galegas polas catro provincias e, delas, case o 64 por cento (63,8%) están encabezadas por homes.


Por provincias, é a da Coruña na que os cidadáns teñen máis opcións onde elixir, cun total de 18 (das que 10 están lideradas por homes).


A continuación, sitúase Pontevedra, con 16 (só catro cabezas de lista son mulleres); Ourense, con 13 (oito homes á fronte); e Lugo, con 11 (catro mulleres no primeiro posto).


En canto ás formacións que se presentan polas catro provincias, son unha decena. Trátase de PP, PSdeG, BNG, En Marea, Cidadáns, Compromiso por Galicia, o Partido Animalista contra os Malos tratos Animais (Pacma), Recortes Cero-Grupo Verde, Gañemos Galicia: Si Se Pode e o Partido Anticorrupción e Xustiza (PAyJ).


Adicionalmente, outros dous partidos preséntanse en tres das circunscricións. Son Converxencia 21, que non formalizou lista en Ourense; e o Partido Comunista dos Pobos de España-Comunistas dá Galiza (PCPE), sen candidatura en Lugo.


SÓ POR ALGUNHAS PROVINCIAS


Así mesmo, tres forzas políticas concorren só polas provincias atlánticas (Acción Democrática, a coalición Cidadáns-Centrum e Unidos polo Futuro!); mentres que Vía Nova Galicia busca lograr representación unicamente na Coruña e Ourense.


En paralelo, só será posible en Pontevedra votar a Escanos en Branco e Democracia Ourensá limítase ao territorio que lle dá nome. Pola súa banda, Alternativa Independente de Galicia e o Partido Libertario preséntanse exclusivamente pola Coruña.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Cabecerarecomendados 1
Cabeceraultimahora
Cabeceralomasleido 1


Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress