​Rescatan un home que caera nunha zona de cantís en Pontedeume

|

Boebrepontedeume

Cantís na parroquia de Boebre, en Pontedeume. //Foto: turismo.gal

Un home foi rescatado a última hora da tarde deste sábado nunha zona de cantís de Boebre, en Pontedeume (A Coruña). En principio, todo apunta a que a vítima caeu por un desnivel, quedando inconsciente nunha zona de difícil acceso.

Foi unha persoa particular quen chamou ao 112 Galicia ás 20,00 horas deste sábado para dar a voz de alarma. En concreto, indicou que un amigo seu baixara ata o punto onde caeu o home para comprobar o seu estado.

Despois de que o alertante indicase as coordenadas exactas do lugar, o 112 Galicia puxo en marcha un operativo de rescate. Así, alertouse da situación a Urxencias Médicas, aos Bombeiros de Pontedeume, a Protección Civil, á Policía Local e á Garda Civil. Ademais, o 112 Galicia explicou a situación a Salvamento Marítimo, que decidiu enviar o Helimer.

Tras o rescate, o home recibiu no punto asistencia sanitaria de urxencia para, posteriormente, ser evacuado nunha ambulancia a un centro hospitalario.

relacionada ​Rescatan desde un helicóptero un mozo que caeu por un barranco en Fene

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress