​Sada dá exemplo de "transparencia"

O Concello de Sada (A Coruña) decidiu sacar tamén a concurso público cinco contratos menores --que se adoitan adxudicar tras solicitar orzamentos a varias empresas-- para "unha maior transparencia".

Segundo informa o goberno local, búscase así unha maneira de licitar "máis aberta á empresas, dándolle unha maior publicidade, o que supón unha maior transparencia nas contratacións públicas".

Así, o goberno local incluíu na web municipal (sada.gal) a sección licitacións onde ademais de poder acceder ao perfil do contratante, que xa estaba activo, pódense ver tamén as licitacións de contratos menores.

As obras que o Concello saca a licitación suman un investimento municipal de 110.000 euros para a pavimentación de viarias ante o Pazo de Meirás, do camiño de Soutilo en Veigue, do Galo no Seixo e do camiño de Vista Alegre-Osedo, así como melloras en pluviais en Piñeiro.