​En Marea pide parar as probas con drons militares en Rozas

|


Enmareagrupocongreso


Os deputados de En Marea no Congreso pediron ao Goberno central a "inmediata paralización" das probas con avións non tripulados, drons, e que explique os fins contemplados polo Ministeriode Defensa para o aeródromo de Rozas, en Lugo.

Así o demandaron nunha proposición non de lei á que tivo acceso Europa Press e na que En Marea reclama ao Goberno información sobre as probas realizadas nestas instalacións así como o contido do convenio formado entre o Instituto Nacional de Técnica Aeroespacial dependente de Defensa, o Concello de Castro de Rei, a Deputación de Lugo e o Real Aeroclub de Lugo.

E é que, segundo denunciou En Marea, na provincia de Lugo experiméntase unha "preocupante espiral militarista nos últimos tempos". "O Goberno central e a Xunta de Galicia comparten a determinación de converter en ámbito de negocio os drons militares en Lugo e facelo en relación coa estratexia belicista da OTAN", advertiu.

Neste sentido, asegurou que a OTAN realizou manobras militares no campamento de Parga en xaneiro de 2016 que "vulneran as condicións de cesión forzosa dos terreos que albergan esta base militar, que delimitaban o seu uso a escola de enxeñeiros". "A conexión Rozas-Parga sitúa á Terra Cha no centro dunha estratexia militarista que non comparte a cidadanía galega", argumentou En Marea.

Por todo iso, os deputados da marea galega pediron ao Goberno que permita a posta en marcha dunha delegación parlamentaria que, xunto con representantes dos municipios afectados, poida visitar as instalacións relacionadas co proxecto.

relacionada ​O 'viveiro' de drons de Castro de Rei recibe a primeira empresa
relacionada AGE denuncia "prevaricación" en el proyecto de drones de Rozas

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress