Patentan un sistema que depura con lombrigas os xurros das granxas

|

Ecoceltadepuracionxurros


A empresa Ecocelta Galicia, dedicada á elaboración de abonos ecolóxicos certificados a través de vermicompostaxe, logrou a concesión da patente en España do 'Sistema modular de filtrado biolóxico para a depuración de augas residuais', que permite, con axuda de lombrigas e plantas acuáticas, depurar, ademais de todo tipo de augas residuais, os xurros que xeran as granxas de porcos.


Este sistema "proxéctase como unha solución e alternativa" a un problema que "comeza a ser preocupante nalgunhas zonas de Galicia", tal e como explica o investigador e director xerente de Ecocelta, Sergio Quiroga.


Segundo a compañía, un informe encargado pola Confederación Hidrográfica Miño-Sil ao CSIC en 2012 e publicado en 2014 certificou un "alarmante grao de contaminación na conca do río Limia" por mor "da presión agrogandeira" sen unha depuración adecuada.


Ao mesmo tempo, a Sociedade Galega de Historia Natural (SGNH) destaca que "a carga gandeira desta comarca equivale a 1,4-1,6 millóns de persoas, a metade da poboación de Galicia concentrada no 1% da súa superficie".


A tecnoloxía agora patentada tamén para toda a Unión Europea foi probada de forma experimental en 2015 nunha explotación porcina do Concello de Ponteareas para avaliar, en colaboración co Centro Tecnolóxico da Carne, a súa capacidade de depuración e a súa viabilidade para a comercialización. "Logramos un 98% de depuración do xurro para cumprir a normativa de vertedura a canle", resumiu Sergio Quiroga.

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress