​En Marea quere renovar xa a súa cúpula

|

Coordinadoraenmarea


O portavoz parlamentario de En Marea, Luís Villares, asegurou que o partido instrumental lanzará "nos próximos días" o proceso de renovación da súa coordinadora, coa idea de que haxa unha participación pública "na conformación dos novos órganos e no conxunto da organización".

Así se pronunciou este xoves en declaracións aos medios de comunicación ao ser preguntado pola reunión mantida o mércores pola coordinadora para encarar esta renovación da que, segundo indicou Villares, "están a ultimarse os últimos detalles". Unha vez pechada, darase "cumprida información", asegurou.


Ademais, cuestionado sobre a contratación de persoal para o grupo parlamentario de En Marea, o portavoz explicou que se está facendo "un deseño" de como se quere "todo o persoal de apoio, tanto a nivel institucional como orgánico", e que, no momento en que estea "todo acabado", será cando se informe.

"ESPÍRITO CONSTRUTIVO"

Aos cidadáns, Villares convídaos a "interesarse" polo labor que levan a cabo os gobernos das mareas naqueles municipios nos que gobernan, como A Coruña, Ferrol ou Santiago e así poder ver o seu "espírito construtivo" e o traballo "en clave de xustiza social" que desenvolve.

Luís Villares pronunciouse deste xeito ao ser preguntado polas críticas efectuadas polos portavoces municipais do Partido Popular nestas cidades cara ao traballo dos gobernos das mareas, aos que esixiu un "cambio de actitude" ante o seu "desgoberno".

Respecto diso, o portavoz parlamentario de En Marea considerou que é "normal" que o PP "faga manifestacións neste sentido" dado que a súa posición "é antagónica a En Marea".

relacionada Villares reivindica a "transparencia" da petición de recursos para "tecer" En Marea
relacionada ​Villares pide a En Marea un chofer e os soldos que deixou de cobrar

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress