​O Corte Inglés servirá en todos os seus restaurantes ovos de Coren

|

Huevoscorencorteinglespepesolla


O Corte Inglés alcanzou un acordo coa cooperativa galega Coren --que conta co selo de Galicia Calidade-- polo cal servirá a partir de agora en todos os seus restaurantes e cafeterías ovos desta empresa que crea ás súas galiñas ao modo tradicional, con saída ao campo e a base de millo.


O Corte Inglés utilizou o pasado ano máis de 2,5 millóns de ovos nalgúns dos pratos e elaboracións que cada día ofrecen as súas 83 cafeterías, 41 restaurantes e 17 Recunchos do Café.


Coren é líder nacional na produción de ovos campeiros. En 2012, a cooperativa galega adoptou a pioneira decisión de suprimir os ovos en gaiola, de maneira que toda a súa produción é de curral. Coren foi a primeira empresa en certificarse co distintivo de Galicia Calidade e na actualidade conta cunha decena de produtos baixo este selo.


Con motivo do acordo, o chef galego Pepe Solla --que conta cunha estrela Michelin e tres Soles Repsol-- elaborou unha receita especial con ovos campeiros de Coren que se servirá durante quince días nas cafeterías do Corte Inglés, a base de ovos de curral, zorza e pataca.



Huevosdecorralzorzapepesollacorenelcorteingles

// Galicia Calidade


Entre a proposta gastronómica que O Corte Inglés ofrece aos seus clientes figuran os ovos de curral con foie, con xamón ibérico, o seu famoso sándwich Corty, a súa fórmula chef de pechuga Villaroy, a ensalada César con ovo poché ou os almorzos especiais. A partir de agora, todos eles estarán elaborados exclusivamente con ovos de curral.


Galicia Calidade é a marca de garantía de Galicia. Dependente da Consellería de Economía, Emprego e Industria da Xunta de Galicia, certifica os mellores produtos e servizos galegos que lles permiten identificar a súa procedencia e a súa excelencia nos mercados nacionais e internacionais.

relacionada El Corte Inglés recolle penso para mascotas coa fin de axudar a protectoras de animais
relacionada Coren convertirá sus residuos en energía

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress