O xoves será a réplica e a votación de investidura

Tras o discurso de investidura pronunciado este martes polo candidato Núñez Feijóo, os portavoces dos grupos parlamentarios contan con 48 horas para preparar a súa réplica, ata que se retome o xoves a sesión, previsiblemente, pasadas as 11 e media da mañá.

Para a súa resposta, os portavoces terán en cada caso unha primeira quenda de 35 minutos antes de que Feijóo déalles a réplica. Pode elixir facelo de forma global ou invidualizada e, de feito, a portavoz parlamentaria do BNG, Ana Pontón, xa subliñou que a segunda vía "favorecería o debate con cada un dos grupos".

A continuación, cada grupo terá unha contrarréplica de 10 minutos e Feijóo volverá ter a palabra nunha quenda final. A votación posterior será nominal por chamamento a cada deputado, que ten que dicir cal é o sentido do seu voto.

O previsible é que o líder do PPdeG quede investido presidente coa maioría absoluta dos seus 41 deputados ao redor das 7 da tarde.

TOMA DE POSESIÓN

Doutra banda, o sábado celebrarase ás 11 da mañá o acto de toma de posesión, cun evento posterior que terá lugar na Praza do Obradoiro a partir das 12,30 horas.