​Oito ilustradores debuxarán esta fin de semana os seus recunchos favoritos de Santiago

|

Dibujoilustracion


"Debuxar as cidades, os obxectos que as conforman e os seres que as habitan é unha maneira óptima de aprender, de querer e de lembrar". A afiamación é de Miguelanxo Prado, director do I Encontro Internacional de Cadernos de Viaxe 'Compostela Ilustrada', que esta fin de semana acolle a cidade de Santiago. Polo tanto, debuxar Santiago de Compostela "é un xeito diferente e intenso de coñecer a cidade e de dala a coñecer".


Con ese múltiple obxectivo celebrarase na capital compostelá, dende o venres 11 até o domingo 13, o primeiro Encontro Internacional de Cadernos de Viaxe, unha iniciativa na que levaba tempo traballando a empresa creativa galega El Patito Editorial e que agora faise realidade baixo a organización do Concello de Santiago, a Deputación da Coruña e Turismo de Santiago.


Subliña Miguelanxo Prado o feito de que "afortunadamente cada vez son máis os adultos que regresan á linguaxe do debuxo e, de xeito moi significativo, a través dos cadernos de viaxe e esta variante do movemento colectivo do debuxo urbano". Daí tamen a relevancia deste encontro, o primeiro destas características que se celebra en Galicia.


O propio Miguelanxo Prado foi o encargado de seleccionar os oito destacados ilustradores que, ademais del mesmo, participarán no Encontro e que, polo tanto, terán a oportunidade durante tres días de coñecer e de debuxar Santiago. Son Catel Muller (Francia), Inma Serrano (Sevilla), Sagar Fornies (Huesca), Jorge González (Argentina), Joaquín González Dorao (Cádiz), Ana Luisa Frazao (Portugal), Fermín Solís (Cáceres) e Clara Marta (Zaragoza).


DEBUXANDO NAS RÚAS


No que se refire as actividades relacionadas cos oito ilustradores invitados ao Encontro o programa divídese en varios apartados:


- Acompaña a… Os asistentes ao encontro dividiranse en cinco grupos dirixidos por cinco dos ilustradores invitados e debuxarán a cidade desde perspectivas e espazos moi diferentes.


- Clases maxistrais. Cada un dos ilustradores invitados e máis o director do Encontro ofrecerán unha charla no CGAC para explicar a súa maneira de enfrontarse ao caderno e ás imaxes dos lugares onde debuxan.


- Coñecendo a… Os oito ilustradores invitados presentarán as súas publicacións en librarías da cidade. Esta é unha actividade aberta ao público en xeral.


EXPOSICIÓNS


Paralelamente á celebración do I Encontro de Cadernos de Viaxe inauguraranse tres exposicións que permanecerán abertas á visita do público durante todo o mes de novembro.


- Santiago, Cidade Ilustrada. Na Fundación Gonzalo Torrente Ballester amósase unha mostra que pon de manifestó a riqueza de interpretacións da cidade por parte de ilustradores de literatura infantil e xuvenil, de cadernos de viaxes e mais de historieta.


- Portugal Ilustrado. Na Galería Sargadelos expoñense os traballos sobre Portugal e a cultura portuguesa realizados por 20 artistas da axencia de ilustradores Illustropía.


- Cadernos boSCQuejeros. A Fundación Gonzalo Torrente Ballester acolle tamén unha mostra conformada por cadernos orixinais e materias para debuxo do colectivo compostelán boSCQuejeros, un grupo de afeccionaos ao debuxo que dende o ano 2005 veñen realizando quedadas para debuxar a cidade.


QUEDADA INFANTIL


Os nenos en nenas inscritos no Encontro poderán participar debuxando a cidade en tres aulas didácticas e nunha quedada infantil. Ana Luisa Frazao levará aos nenos a debuxar productos de tempada no Mercado de Abastos; Joaquín González Dorao fará o propio cos elementos arquitectónicos da Cidade da Cultura e Fermín Solís cos animais do Museo de Historia Natural.


Ademais, o sábado pola mañá terá lugar unha Quedada Infantil na que 30 nenos e nenas irán de tendas polas rúas Xelmirez, Nova e das Orfas debuxando con Joaquín González Dorao e Fermín Solís.

relacionada ​A precariedade e inestabilidade fan mella no sector da ilustración

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress