Ampliar a rede de albergues, o reto principal do Camiño de Santiago
O xerente do Xacobeo expón a folla de ruta do Plan Director, que inclúe mellorar a sinalización e implantar 'Smart Camiño'.
O xerente do Xacobeo, Rafael Sánchez, realizou un relatorio na xornada técnicas sobre 'Patrimonio material e inmaterial nos cambios de peregrinación' no marco da X edición da Bienial Internacional da Restauración e Xestión do Patrimonio AR&PA 2016, que se celebrou Valladolid.
A xornada abordou a "extraordinaria vitalidade" que as rutas de peregrinación están a manifestar neste inicio do século XXI, facendo especial fincapé no auxe do Camiño Francés a Santiago, ruta principal dos itinerarios xacobeos.
Así mesmo, durante o encontro reflexionouse sobre a recente ampliación aos Camiños do Norte da declaración como Patrimonio Mundial pola Unesco e a celebración do Ano Xubilar Lebaniego en 2017.
Durante a súa intervención, Rafael Sánchez expuxo as numerosas iniciativas que contempla esta folla de ruta, o Plan Director do Camiño, destacando a aposta pola mellora e ampliación da rede pública de albergues, o plan de sinalización e a implantación do 'Smart Camiño', entre outros.
Escribe tu comentario