Agriden en Ourense un home que intentou fotografar unha infracción
O viandante chamoulle a atención aos ocupantes dun vehículo que entrara nunha zona peonil. Despois da agresión déronse á fuga.
Dúas persoas agrediron na tarde deste luns a un viandante que lles chamou a atención por entrar co coche nunha zona peonil da Rúa do Paseo, en Ourense.
Segundo informou a Policía Local a Europa Press, ao redor das 18,00 horas o home chamoulles a atención e cando fixo ademán de sacar o móbil para facerlles unha foto a eles e ao vehículo, estes dous individuos saíron do coche e agredírono.
O home, que un primeiro momento foi atendido por veciños da zona, foi trasladado a urxencias co tabique roto. Segundo estas mesmas fontes os agresores son dúas persoas de etnia xitana que se deron á fuga.
Escribe tu comentario