#Claves de la semana

Rescatan tres mariñeiros aos que lles envorcou o barco en Ribeira

Outro pesqueiro que faenaba na zona sacounos da auga e levounos á terra con síntomas de hipotermia.


|

Temporalmarolas


Un barco que faenaba pola zona rescatou na madrugada deste venres a tres mariñeiros que caeron á auga despois de que a embarcación na que viaxaban envorcase por mor dun golpe de mar na costa de Ribeira (A Coruña).


Segundo informou a Central de Atención a Emerxencias 112-Galicia, o suceso ocorreu sobre as 6,30 horas preto da Illa de Sálvora, cando o pesqueiro no que viaxaban os tres afectados recibiu un golpe de mar e envorcou.


Tras dar a voz de alarma, os mariñeiros foron rescatados por unha embarcación próxima, a 'Capri', que os trasladou a terra. Presentaban síntomas de hipotermia, aínda que o seu estado era bo.


No peirao de Aguiño esperaba unha dotación de Urxencias Médicas 061, que trasladou aos mariñeiros ata o Hospital do Barbanza. No operativo foron mobilizados tamén efectivos da Policía Local e do servizo local de emerxencias.


O pesqueiro envorcado, que ten base en Ribeira, quedou á deriva nas proximidades da Illa de Sálvora.


ALERTA POR ONDADA


Seis provincias do litoral norte da Península están este venres en risco importante (laranxa) por fenómenos costeiros. O risco é de menor intensidade (amarelo) en Pontevedra, segundo informou a Axencia Estatal de Meteoroloxía (AEMET).


Así, en Pontevedra espéranse mar combinada do noroeste con ondas de 3 a 4 metros de altura, mentres que desde A Coruña ata Guipúscoa, ese mar combinado pode producir ondas de ata 5 ou 6 metros de altura.

Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE