Jorge Suárez critica un pacto entre PP e PSOE para "asfixiar o goberno"

|

Jorgesuarez


O alcalde de Ferrol, Jorge Suárez (FeC), asegurou que "ningún grupo político" da corporación municipal "ten a valentía de pactar un goberno e presentar unha moción de censura" contra el, "aínda que si que a tiveron para pactar un salario".


Jorge Suárez considerou que existe un pacto entre PP e PSOE locais para "asfixiar a este goberno, deixando para unha cidade de 70.000 habitantes tres persoas con dedicacións exclusivas", á vez que "a oposición blindou, co pacto PP e PSOE, o salario de oito concelleiros para facer oposición".


O rexedor cualificou esta situación como "algo totalmente irregular en calquera corporación", onde "o normal é que os grupos que non gobernan teñan unha dedicación para o portavoz e nada máis".


Tamén incidiu en que este acordo entre o grupo liderado pola popular Martina Aneiros e a socialista Beatriz Sestayo "parece máis un centro de emprego" que un acordo entre partidos tradicionalmente enfrontados.


O rexedor de Ferrol en Común destacou que o grupo por el liderado ten a intención de "traballar por esta cidade, xa que ningún outro grupo quere facelo e ninguén quere presentar unha moción de censura", ao mesmo tempo que trasladou que a oposición "prefire manter un goberno baixo a asfixia" mentres que o seu equipo trata de "sacar propostas adiante".


En declaracións a Europa Press, o rexedor de Ferrol en Común referiuse ás afirmacións realizadas este martes pola que foi ata o pasado 26 de setembro a súa primeira tenente de alcalde, a líder dos socialistas ferroláns Beatriz Sestayo, que asegurou que a súa formación política non apoiará unha moción de censura co Partido Popular. "Apoiamos este brinde e esperemos que non sexa ao sol, continuaremos adiante coas nosas propostas recollidas no programa político", sentenciou.

relacionada PP y PSOE de Ferrol se alían y retiran la dedicación exclusiva a la edil de Urbanismo
relacionada O presidente de Ferrol en Común desvincúlase de Podemos e chámalle "parque infantil"
relacionada ​Jorge Suárez ve "posible" gobernar Ferrol con oito edís de 25

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress