A "estabilidade política" galega como incentivo para o investimento uruguaio

O plan de investimento do país de ultramar, presentado este mércores en Santiago, ascende a uns 12.370 millóns de dólares.


|

Feijooytabare


O xefe do Executivo galego, Alberto Núñez Feijóo, ofreceu ao presidente da República Oriental do Uruguai, Tabaré Vázquez, a "estabilidade" política de Galicia e a das súas empresas para executar o plan de investimentos que ascende a uns 12.370 millóns de dólares (un terzo executarase por colaboración público-privado) e que os representantes do país de ultramar decidiron presentar este mércores en Santiago de Compostela.


"Tes aquí a estabilidade política", reivindicou o mandatario autonómico na súa intervención, que precedeu á do dirixente uruguaio, quen detallou a situación dos seus sectores económicos, como as renovables, coas que se xera o 96 por cento de enerxía eléctrica.


Feijóo observou que Galicia é "o mellor lugar" para presentar o plan de investimentos pola súa situación política, en relación a que é a única Comunidade onde se goberna unha maioría absoluta, sumado a que tampouco a ten o Executivo central.


É máis, Feijóo non dubidou de que os "empresarios" presentes no almorzo informativo, organizado pola Confederación de Empresarios de Galicia (CEG), "poden executar a totalidade do plan", aínda que recoñeceu que non é algo que "corresponda" a Galicia. "Pero gustaríanos colaborar con vostedes", apostilou, antes de certificar a "estabilidade" das empresas galegas.


AUXE DO PROTECCIONISMO


Durante o seu discurso, Feijóo tamén se referiu a que "a apertura" mundial que levou a cabo no ámbito das relacións internacionais no último século "está a sufrir reveses", cun "auxe do movemento" que aposta por "endurecer fronteiras" e "impregnar de desconfianza" este ámbito. "Preocúpanos, pero incentívanos", dixo Feijóo, quen ofertou "seguridade xurídica", "solvencia", "coñecemento" e "experiencia" de Galicia e das súas empresas.


O mandatario autonómico tamén reivindicou que "os galegos saben cumprir e teñen palabra" e "saben que non poden gastar máis do que se ten e que hai que pagar o que se debe". "Confíe nos galegos", convidou Feijóo, quen remachou que "salvo o Atlántico, todo o demais únenos".

relacionada Como afectará a política proteccionista de Trump ás exportacións galegas?
relacionada ​El presidente de Uruguay elige llegar en tren a la tierra de sus abuelos

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress
CLABE