​'Boicot' a Segur Ibérica por non pagar aos traballadores

As tres centrais sindicais presentes no comité de empresa de Segur Ibérica (USO, CCOO e CIG) iniciaron unha rolda de visitas aos clientes da compañía na busca de colaboración para solucionar o conflito por impagos nos salarios.

Tal e como informa o comité de empresa nun comunicado, os sindicatos buscan que "as empresas e organismos se involucren, reteñan a facturación pendente de aboar á compañía de seguridade e consideren a opción de negociar un pago directo". Sosteñen que esta medida xa se empregou por parte dalgúns clientes nas nóminas do mes de outubro.

Así mesmo, denuncian temén "a falta de vontade de Segur Ibérica de solucionar este conflito" e repróchanlle a falta de información que reciben pola súa parte. Este comportamento, afirman, provoca "unha sensación de completa indefensión aos afectados".

Os tres sindicatos defenden esta "unidade deacción" como mellor vía para resolver estes conflitos laborais e informan de que estarán presentes na próxima reunión do ERE que está convocada para o martes 13.