Santiago expedienta á adxudicataria da iluminación de Nadal por "execución defectuosa"

|

Lucesnadalsantiago


O Concello de Santiago vén de abrirlle un expediente á empresa adxudicataria da iluminación de Nadal por "execución defectuosa" do contrato así como demora no seu cumprimento.


Segundo informou o goberno local, acordou na mañá deste mércores a apertura dun expediente á empresa Iluminacións Salnés S.L., adxudicataria da iluminación decorativa de Nadal.


A decisión ten que ver, segundo argumentou, coa "execución defectuosa do contrato", así como "coa demora no seu cumprimento". Respecto diso, lembra que o contrato foi asinado coa empresa o 1 de decembro e déuselle un prazo de dez días para ter finalizada a instalación da decoración de Nadal.


En canto aos defectos na execución do contrato, o goberno local recibiu o martes pola tarde un informe técnico, derivado da inspección nas instalacións, que alerta de irregularidades que supoñen incumprimentos do prego técnico da adxudicación e que "poden poñer en risco a seguridade das persoas".


Ante esta situación, o goberno encomendoulle este mércores á empresa Ferrovial S.L., responsable da iluminación pública municipal, a realización das "actuacións necesarias para auditar o estado das instalacións e solucionar as deficiencias de modo inmediato".


A concellería responsable previamente dera orde de desconectar os elementos decorativos que "non cumprían todos os requisitos" e que "non estarán operativos de novo ata que se garanta a seguridade", abundou o goberno local.

relacionada El primer 'showroom' de segunda mano entre particulares llega a Santiago
relacionada ​La Catedral busca formas de atender "a todos los peregrinos, pero no a la misma hora"

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress