Noriega: "Villares ten que ter un papel fundamental na construción de En Marea"

|

NoriegaalcaleSantiago


O alcalde de Santiago e cabeza visible de Compostela Aberta --unha das mareas cidadás que se presentaron nas municipais--, Martiño Noriega, considerou que o actual portavoz parlamentario de En Marea, Luís Villares, "ten un papel central" no grupo e "evidentemente ten que ter un papel fundamental a nivel de construción do proxecto" político.


Pero Noriega quérese manter á marxe da primeira liña do proxecto, no que estivo implicado persoalmente ata a asemblea constituínte de En Marea do pasado mes de xullo en Vigo. 


Desde entón, o rexedor compostelán deu un paso a un segundo plano, aínda que participou no plenario de En Marea que tivo lugar o pasado sábado e no que, entre outras cuestións, non frutificaron as incompatibilidades máis restritivas que impedirían compatibilizar cargos institucionais con responsabilidades no partido instrumental.


"Xa sabedes que estou á marxe deste debate; o que opino é que Villares ten un papel central neste momento no grupo parlamentario e, evidentemente, ten que ter un papel fundamental a nivel de construción do proxecto", manifestou este martes, a preguntas dos medios, o rexedor compostelán.


Noriega non obviou que este proxecto ten que ser "evidentemente plural, con moitas voces" e incidiu en que "non se trata de incluír ou excluír a ninguén". "Si que penso que o portavoz parlamentario ten que ter un percorrido no que é o proceso de territorialización do novo espazo político e iso é lóxico", engadiu, con todo.


Neste punto, fixo fincapé en que En Marea, desde as eleccións autonómicas do pasado mes de setembro, "é o segundo espazo político do país", ao converterse na segunda forza máis votada nas urnas por diante do PSdeG (con quen empatou a escanos).

relacionada ​Noriega chama a Anova a "implicarse" no proceso aberto de En Marea
relacionada ​Noriega: "O que aconteceu coa esquerda foi histórico e estudarase co tempo"

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress
CLABE