A Galicia de 2031 terá 28.000 fogares menos


|

Familiasrural

Galicia perderá 28.223 fogares nos próximos 15 anos, na súa maioría de parellas con fillos, segundo a proxección feita pública este venres polo Instituto Galego de Estatística (IGE).


Na actualidade, Galicia conta 1.060.660 fogares, pero as proxeccións do IGE apuntan a un descenso do 2,66% ata 1.032.437 fogares en 2031.


Pontevedra será a única provincia na que haberá un incremento de fogares nestes 15 anos (+1%), ao pasar de 354.628 a 358.349. A previsión é que Ourense lidere o descenso (-8,75%), de 130.435 a 119.023 fogares.


A baixada prevista en Lugo é do 7,95%, cunha rebaixa de 133.077 a 122.498 fogares; mentres na Coruña (-2,25%) pasará de 442.521 a 432.567.


ÁREAS E EVOLUCIÓN


Das 20 áreas (agrupacións de comarcas) galegas consideradas, increméntanse no período 2016-2031 o número de fogares en seis: Pontevedra (5,8%), A Coruña (3,3%), Santiago (3,1%), Vigo (2,9%), Ourense (1,7%) e Caldas-O Salnés (0,1%).


O maior decrecemento nese tempo sería nas áreas de Ourense Sur (-21,3%), Lugo Oriental (-17,2%) e Carballiño-O Ribeiro (-15,7%).


Segundo a clasificación utilizada nestas proxeccións, no período 2016-2031 os fogares unipersonais aumentarían un 0,4% e os formados por unha parella sen fillos un 2,3%. Por outra banda, diminuirían as parellas con fillos un 6,2% (case 25.000 menos), as unidades monoparentais un 3,5% e o resto de fogares un 3,7%.


O tamaño medio dos fogares galegos experimentará un continuo crecemento no período 2016-2031, pasando de 2,61 a 2,70 persoas de media; incrementarase en todas as provincias excepto en Pontevedra, onde se manterá nos niveis actuais.

relacionada Os fogares galegos teñen cada vez menos nenos e máis vellos
relacionada En quince anos case 350.000 persoas vivirán soas en Galicia
relacionada Os nenos que nazan en 2017 tamén se beneficiarán da 'Tarxeta Benvida'

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress
CLABE