​Fin de Ano con reservas sanguíneas baixas en Galicia

|

Sangretransfusion


As reservas dos grupos sanguíneos Cero positivo (0+), A negativo (A-) e A positivo (A+) atópanse baixas na Comunidade galega, mentres que as de Cero negativo (0-) están en nivel bo, segundo a información facilitada pola Axencia de Doazón de Órganos e Sangue (ADOS).


ADOS lembra que para poder atender as necesidades dos centros sanitarios galegos son necesarias 500 doazóns de sangue cada día, polo que subliña a importancia de acudir a doar de todos os grupos sanguíneos.


Co fin de facilitar a doazón, o vindeiro luns, 2 de xaneiro, acudirán unidades móbiles do Centro de Transfusión de Galicia aos municipios coruñeses de Noia --diante do Concello--, Negreira --cale Vila de Negreira--, Ribeira --Praza do Concello-- e Porto do Son --Xuño, diante do cruzamento de Agra--.


Tamén o luns irán unidades móbiles á localidade lucense de Foz --á beira do Consistorio-- e ás ourensás de Lobeira --xunto ao centro de saúde-- e Bande --diante do Concello--.


Ademais, desprazaranse o día 2 unidades móbiles aos concellos pontevedreses de Marín --xardíns da Alameda--, Mondariz --delate da igrexa-- e Moaña --fronte ao centro de saúde--.

relacionada Obsequios en Alita Comics a cambio de donar sangre en Navidad
relacionada Case dúas semanas coas reservas do grupo Cero negativo baixas

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress