O PSdeG relanza a campaña ‘Que non nos toquen a lei’

|


Os socialistas galegos impulsarán de novo a campaña Que non nos toquen a lei, promovida polo PSdeG cando se coñeceu a intención do Partido Popular de modificar a Lei de 2010 de Saúde Sexual, Reprodutiva e da IVE


O PP leva ao pleno do Congreso de mañá a modificación do artigo 13.4 da norma, a que regula este dereito para as mulleres de16 e 17 anos, e dun artigo da Lei de Autonomía do Paciente de 2002, no relativo tamén a menores de idade e aborto.

A secretaria de Igualdade do PSdeG, Eva Martínez, asegura que esta campaña, que se desenvolveu en redes e coa entrega por parte de Xuventudes Socialistas de Galicia de folletos informativos, estará presente “aínda con máis forza” estes días, xunto con accións contundentes que se irán levando a cabo a partires da vindeira semana.


“Seguiremos insistindo se finalmente o Partido Popular segue adiante coa súa teima de controlar e tutelar a vida das mulleres, neste caso as máis novas, e o que máis grave, expoñelas a abortos clandestinos e desprotexelas en situacións de extrema gravidade”, asegurou Martínez, que engadiu que “non pararemos ata conseguir que tanto este artigo como o da Lei de Autonomía do Paciente queden como están agora”.


Como destacou, esta modificación afectará ás mulleres que se atopan nunha situación máis vulnerable, posto que o artigo 13.4 unicamente exime de ter que informar a pais/nais/titores a aquelas con violencia intrafamiliar ou desarraigo e desamparo. Isto é, un 0,4% do total.


“Venden manipulando a realidade xurídica unha reforma que afectará, por exemplo en Galicia, a unha media de 10 mulleres ao ano, mulleres ás que deixan desprotexidas e que expoñen a novas situacións de violencia ou a poñer en risco a súa vida nun aborto clandestino”, afirma.


O que tería que facer o PP é desenvolver e garantir o cumprimento na súa totalidade da lei de 2010; unha lei que contempla a prevención e a educación sexual como ferramenta fundamental para evitar embarazos non desexados”, destacou Martínez.


PREMIOS DE IGUALDADE


A presidenta do PSOE, Micaela Navarro, estará mañá presente nos actos que a Secretaría de Igualdade ten organizados para a entrega dos Premios de Igualdade María Vázquez, que inclúen unha homenaxe en Miño á que fora fundadora desa agrupación, mestra na República, activista feminista e de UXT.


Vázquez foi violada e asasinada na praia de Miño en agosto de 1936 polos falanxistas e neste mesmo lugar, ás 12.00 horas, a comitiva encabezada pola presidenta socialista levará a cabo unha ofrenda floral á que tamén asistirá o secretario xeral do PSdeG, José Ramón Gómez Besteiro.


Xa pola tarde, ás 19.00 horas, o centro sociocultural de Fontiñas acollerá o acto de entrega dos premios, nesta primeira edición cun recoñecemento ás mulleres socialistas, especialmente ás “anónimas”. Neste acto, ademais de Micaela Navarro, estarán, entre outros responsables do partido, Besteiro e a secretaria de Organización

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress