PARLAMENTO GALLEGO

A Xunta deixa sen contratar 100 investigadores para despilfarrar 4 millóns en campañas de publicidade de Industria en dous anos

|

O portavoz de Economía e Industria do Grupo Socialista, Abel Losada, denunciou hoxe que a Consellería de Industria ten investido un total de 4 millóns de euros en tres campañas publicitarias dende o ano 2013, o mesmo investimento que permitiría asinar ata cen contratos de investigación. Advertiu que “o PP mobiliza moito mais no seu beneficio con tres campañas, pero para o país sería moito mellor contratar investigadores".


O responsable socialista presentou unha proposición non de Lei na Comisión de Industria do Parlamento de Galicia para esixirlle á Xunta que retire a última destas campañas, aínda en vigor, denominada “A innovación na industria de Galicia: cara a fábrica do futuro”, e que foi rexeitada polo PP. Esta campaña, que custará dous millóns de euros, continúa a liña de Galicia Emprende -2013- e de Galicia, Impulsora do Desenvolvemento -2014-.


Losada tildou de “obscenas” estas iniciativas que demostran que “o investimento en publicidade é inversamente proporcional ao nivel de incompetencia” da Consellería, que “intenta agochar unha estratexia de desmantelamento espectacular das ferramentas de política industrial” e o seu “capitalismo de amiguetes”.


Igape


O responsable socialista criticou así que a Consellería centra os seus esforzos en priorizar as políticas de comunicación e en inxectar inxentes caudais de diñeiro público no sector privado para socavar as funcións do Igape. Aludiu así aos convenios de 18 millóns de euros dedicados á Confederación de Empresarios ou outros dous millóns de euros para contratar empresas privadas para atraer capital extranxeiro.


Estas iniciativas demostran, dixo, a intención clara de desmantelar o principal instrumento de impulso industrial do goberno galego, o Igape, contratando empresas privadas para que fagan o labor que lle correspondería ao ente público. Un ente que viu rebaixado o seu orzamento nun 75 por cento dende que chegou Feijóo e que, do orzamento restante, tan só da executado un 21 por cento. 

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress