ILLAS CIES (PONTEVEDRA)

Un investigador galego descobre unha nova especie de cogomelo nas Illas Cíes

|

cogomelcies.jpg

                                              O fungo 'Marasmiellus Ciesianus' 


Praia de Rodas, Illas Cies (foto: Antón Alonso)


O investigador Jaime B. Branco Deus descubriu unha nova especie de cogomelo denominado como 'Marasmiellus Ciesianus' na praia de Rodas das Illas Cíes.


O científico pontevedrés Jaime B. Blanco Deus publicará na revista especializada Mycosphere este mesmo ano a descrición da especie descuberta, que pertence aos saprófitos, familia que desenvolve o seu ciclo de vida sobre materia orgánica inerte, segundo informou a Xunta nun comunicado.


O cogomelo atopado, 'marasmiellus ciesianus', madura a finais de outono e a principio de inverno enriba dunhas ramas mortas de 'Helichrysum picardii var. virescens', un planta que é característica das dunas galegas.


Na praia de Rodas, tamén se descubriron especies pouco comúns como a 'Campanella caesia Romagn' ou 'Marasmiellus mesosporus Singer'. Alí, deuse un dos descubrimentos máis importantes nestes últimos anos, a planta endémica 'Ornithopus x ciesianus'. Tamén habitan fungos que non son comúns en Galicia, pero si son típicos de ecosistemas dunares. 


Por último, cabe destacar o labor do indagador natural de Pontevedra: Jaime B. Blanco, o cal foi galardonado recentemente co premio Cidade de Pontevedra 2014 na modalidade de persoas físicas.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress