CAMIÑO DE SANTIAGO

O acondicionamento dos camiños de Santiago custará 1,5 millóns

|

Una peregrina  o seu paso por Lugo.


O presidente da Xunta, Alberto Núñez Feijóo, pediu persoalmente este verán ao xefe do Goberno central, Mariano Rajoy, que destinase unha partida de 1,5 millóns de euros a labores de restauración e acondicionamento ambiental dos camiños xacobeos.


Así o indicou este xoves a Xunta nun comunicado no que sinala que o Goberno central acaba de anunciar unha emenda do proxecto de Presupuestos Generales del Estado para 2016 nese sentido.

Feijóo expresou nunha reunión este verán con Rajoy a súa petición alegando que en 2021 será un ano xacobeo e Compostela podería recibir máis de 460.000 peregrinos, segundo a nota da Xunta.

O plan foi presentado por Feijóo o pasado 26 de xuño como unha "folla de ruta para revitalizar, promocionar e promover os camiños de face ao próximo xacobeo 2021", apunta a nota.

A Xunta destaca o elevado incremento dos últimos anos de persoas que efectúan o Camiño de Santiago, e que este ano ascende a máis de 180.000 peregrinos segundo datos contabilizados pola Igrexa católica.

Noutro comunicado, a Xunta subliña que o pasado mes de xullo Galicia rexistrou 150.000 viaxeiros internacionais aloxados, o que constitúe un "máximo histórico" en Galicia.

Segundo os datos baseados na enquisa Egatur, o gasto total do turismo internacional en xullo en Galicia aumentou en 16 %, superando os 117 millóns de euros.

O gasto medio por persoa tamén creceu en xullo 9,4 % e superou os 740 euros, precisa a nota da Xunta que destaca que os principais viaxeiros estranxeiros foron, por orde de importancia, italianos, portugueses, alemáns e estadounidenses, estes últimos cun elevado aumento de 48,5 %.

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress
CLABE