O OUTONO XA ESTA CHAMANDO A PORTA

Unha cicloxénese porá fin ao verán

|


Grandes Ondas na zona de Doniños (O Ferrol)


Agardanse ventos entre 100 e 120 quilómetros e 150-200 l/m2 en 48 horas. Tamén se agardan ondas de entre catro e cinco metros.


Aínda non acabou o verán e xa chega a primeira gran cicloxénese da tempada. Será este martes e mércores, con ventos de entre 100 e 120 quilómetros por hora e 150-200 litros por metro cadrado.


Ao longo do martes 15 e a primeira metade do mércores 16 esta profunda borrasca atlántica que afectará, principalmente a Galicia, desprazándose posteriormente en dirección nordés cara ás Illas Británicas.


As choivas serán especialmente persistentes na vertente atlántica de Galicia e os ventos fortes con refachos moi fortes en Galicia, Asturias, Cantabria e norte de Castela e León, con grandes ondas no mar.


Polo momento emitíronse avisos de nivel laranxa por precipitacións persistentes en toda a provincia de Pontevedra (90 mm en 12 horas ou superior), o oeste e suroeste da Coruña (80 mm en 12 horas ou superior) e de nivel amarelo no resto de Galicia, segundo aAxencia Española de Metereoloxía (AEMET).Emitíronse avisos tamén por refachos de vento moi fortes nas mesmas comarcas (entre 80 km/h e 100 km/h, segundo zonas).


En canto aos fenómenos costeiros, polo momento emitíronse avisos de nivel amarelo nas costas de Galicia por ventos do oeste e suroeste de forza 7, pero é posible que para últimas horas do martes 15 e ao longo do mércores 16 auméntense a nivel laranxa por forza 8 e mar combinada de 4-5 metros (moi grosa) e que ademais se estendan ás costas do Cantábrico occidental, mentres que nas zonas de alta mar de Galicia e Cantábrico posiblemente superarase a forza 8. 

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress