Conceden o premio Fesvial a un Policía Local de Pontevedra

Ángel Ruibal é un axente que ingresou na Policía Local de Pontevedra hai 30 anos e desde entón sempre se interesou pola formación en seguridade viaria. Na actualidade, ademais de prestar servizo novamente como Policía Local de Pontevedra, coa categoría de Inspector Principal, ocupa o cargo de presidente da Asociación de Xefes e Mandos de Policía Local de Galicia e é membro do Consello directivo nacional da Unión Nacional de Xefes e Directivos de Policía Local.

Agora ve recoñecida todo este traballo na Seguridade Viaria a través do Premio Fesvial, a Fundación española para a Seguridade Viaria. A medalla que se lle concede tívose en conta a súa comprometida traxectoria profesional coa seguridade viaria, que puxo de manifesto no seu servizo nas policías locais de Pontevedra, Cambados e Ferrol, e de maneira especial nesta última localidade, co desenvolvemento do Plan Municipal de Seguridade Viaria.