A Xunta de Galicia e Deputación de Ourense impulsarán o Museo do Viño de Galicia
A Xunta de Galicia e a Deputación de Ourense impulsarán conxuntamente o Museo do Viño de Galicia, que se situará en Ribadavia e a finalidade do cal é "recuperar, documentar, conservar e difundir" o patrimonio cultural vitivinícola de Galicia.
O conselleiro de Educación e Cultura, Román Rodríguez e o presidente da Deputación
ourensán, Manuel Baltar e p pressidente da D.O Ribeiroa Miguel Ángel Viso, durante
a visita que realizaron onte ás instalacións do Museo do Viño.
A Xunta de Galicia e a Deputación de Ourense impulsarán conxuntamente o Museo do Viño de Galicia, que se situará en Ribadavia e a finalidade do cal é "recuperar, documentar, conservar e difundir" o patrimonio cultural vitivinícola de Galicia.
E é que o obxectivo é que a cidadanía en xeral e os investigadores e estudosos do universo do viño poidan coñecer e servirse do patrimonio cultural vitivinícola, segundo precisou a Xunta nun comunicado.
Co obxectivo de impulsar este museo, o presidente da Deputación de Ourense, Manuel Baltar, e o conselleiro de Cultura, Educación e Ordenación Universitaria, Román Rodríguez, afondaron este sábado na colaboración institucional acerca deste tema.
En concreto, fixérono nunha visita que realizaron este sábado á Casa Reitoral de Santo André de Camporredondo, a cal albergará a sede museística.
Este inmoble destaca pola súa relevancia e interese arquitectónico e histórico e forma parte do inventario xeral do patrimonio cultural de Galicia.
CUATRO DENOMINACIÓNS DE ORIXE
A este respecto, o presidente da Deputación de Ourense subliñou a "idónea" situación da que gozará o museo, xa que a provincia ourensana conta con catro das cinco denominacións de orixe de Galicia, segundo precisou o ente provincial nun comunicado.
Pola súa banda, a Xunta inverteu preto de 1,35 millóns de euros na restauración e acondicionamento deste edificio como paso previo para acoller o centro expositivo.
Para impulsar o Museo do Viño de Galicia está previsto asinar proximamente un convenio de colaboración entre as tres partes implicadas, que son a Xunta, a Deputación e a Diocese de Ourense.
O galego como oportunidade alén de Galicia
Noutra orde de cousas, o conselleiro de Cultura e a Irmandade Galega de Adegueiros (Irgade) abordaron o plan de dinamización da lingua galega no tecido económico 2015-2020, que pretende potenciar e ampliar, segundo indicou a Xunta nun comunicado, o uso do galego no ámbito empresarial e a aprobación da cal está prevista para finais de ano.
Na reunión participaron representantes dunhas 60 pequenas e medianas empresas de diversos sectores, tales como bodegueiros, empresarios do sector agroalimentario e asociacións de consumidores.
Román Rodríguez trasladou aos participantes que a lingua galega supón "un valor como denominación de orixe" e implica "un plus de confianza, calidade e proximidade" nos consumidores. De igual forma, defendeu que abre a vía de comunicación en mercados emerxentes do mundo lusófono.
Escribe tu comentario