O DISCOLO MARTINEZ, SUSPENDIDO DE MILITANCIA POLO PSDG DE LUGO

O PSdeG inicia os trámites para expulsar a Manuel Martínez do grupo provincial de Lugo

|

Campos(izqda.) e Santos (c), na rolda de prensa do Gruo Provincal Socialista de Lugo


O PSdG acordou iniciar os trámites para expulsar a Manuel Martínez do grupo socialista na Deputación de Lugo e levar o caso á Comisión Antitransfuguismo, segundo anunciaron este venres nunha rolda de prensa o resto de deputados provinciais do partido.


O acordo, asinado polos compañeiros de filas do alcalde de Becerreá, contempla o traslado á Comisión de Seguimento do Pacto Antitransfuguismo, para que sexa este órgano o que resolva "os feitos dos últimos días, levados a cabo polo deputado provincial Manuel Martínez Núñez e os doce deputados do grupo provincial do Partido Popular, dirixido por Elena Candia López, para dificultar a acción do Goberno provincial". Especialmente tras o ocorrido esta semana no pleno de organización da Deputación, no que Martínez apoiou unha moción do PP para recortar dedicacións e recursos ao BNG.

A rolda de prensa comezou apenas uns minutos despois de que Martínez concluíse a súa, na que explicou, desde o seu punto de vista, a situación vivida nos últimos meses na Deputación de Lugo e na que asegurou que nin José Ramón Gómez Besteiro nin Darío Campos "estiveron á altura".

O portavoz do goberno provincial, Álvaro Santos, aclarou que o rexedor de Becerrerá poderá presentar alegacións desde que reciba o expediente de expulsión, contado dez días naturais desde a entrega. "A día de hoxe, Martínez está suspendido preventivamente dos seus dereitos como membro do grupo provincial socialista e iniciado o proceso de expulsión", subscribiu.  


"DEFENDEMOS A MARTÍNEZ".


Tamén quixo explicar que "ata o último minuto o PSOE mantivo negociacións co BNG en defensa de Martínez como candidato á presidencia da Deputación", en referencia aos días previos ao pleno de investidura de finais de xuño.

"Con todo, a falta de entendemento co BNG impediu a candidatura de Martínez e isto supuxo que os deputados provinciais socialistas propuxesen un novo candidato, apoiando todos a Campos", apuntou. 


Así mesmo, sobre a posible expulsión do PSOE de Martínez, Santos aclarou que cada órgano "é diferente" e o grupo provincial socialista é un órgano. "Entón os deputados provinciais, analizados os feitos, concluímos que a actitude de Manuel é un caso claro de transfuguismo político", apuntou.

SITUACION DO GOBERNO. 


Ademais, preguntado se o goberno quedaba debilitado ao quedar en minoría dun deputado, Santos respondeu cun taxativo "non", aínda que engadiu que o "goberno da Deputación debilitouno Manuel Martínez cando votou polo PP en contra dos intereses dos cidadáns".

"Aí é cando se debilita a capacidade operativa, pero non a de goberno", sinalou. Na comparecencia tamén interveu o presidente da Deputación, Darío Campos, quen volveu a pedir "perdón" ao recoñecer que obviamente se puido facer mellor o proceso. "A situación que se viviu foi surrealista pero, tamén digo que, agora, todo isto se acabou, e deste tema non vou volver a falar, voume a dedicar a seguir traballando", apuntou.

Con respecto á expulsión de Martínez utilizou un símil futbolístico ao asegurar que "nin Cristiano Ronaldo é imprescindible". "O Madrid seguiría existindo sen Cristiano e o PSOE sen Martínez", apostilou. 

relacionada Martínez e Candia reuníronse nunha gasolineira do Corgo antes do pleno de organización da Deputación de Lugo

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress