Os gardacostas requisan perto de 1.270 quilos de peixe e marisco e 193 aparellos de pesca en diversos operativos contra o furtivismo

|

Axentes do Servizo de Gardacostas de Galicia, dependente da Consellería do Mar, requisaron preto de 1.270 quilos de peixe e marisco e 194 aparellos de pesca en diferentes operativos realizados polo litoral galego durante a semana pasada. Os inspectores da Xunta tamén se fixeron con 5.400 metros de artes de enmalle. Estes son os resultados dos controis que está levando a cabo a Consellería do Mar para vixiar a extracción ilegal de cara ás festas de Nadal


Na ría de Arousa houbo varios operativos que deron como resultado o comiso de máis de 977 quilos aparellos e a incautación de 70 aparellos de pesca e 4.400 metros de aparellos de enmalle. A actuación máis relevante foi nos portos de Tragove e Meloxo, nos que se comisaron 180 quilos de reló, 115 de volandeira, 46 de centola, 38 de nécora e 12 de camarón e nos que se incautaron 12 sacos viveiros sen identificar.


Por outra banda, na ría de Pontevedra os gardacostas requisaron preto de 240 quilos de diversas especies e 111 útiles. O operativo máis destacado foi nos portos de Bueu e Beluso, onde os axentes incautaron preto de 160 quilos de centola, 21 de nécora, preto de 19 de vieira, 8 de ostra, máis de 4 de camarón e 19 viveiros de rede por carecer de identificación.

A ría de Ferrol tamén foi escenario de varios operativos que se saldaron coa incautación de 1.000 metros de artes de enmalle, 4 aparellos de pesca e 25 quilos de especies, a maioría ameixa babosa.


En Cabo Ortegal e A Bandexa, en Ortigueira, os axentes incautaron 3 palangrillos con 530 anzois que se atopaban sen identificar. Ademais, na praia do Ézaro e Punta Castelo, en Dumbría, os inspectores requisaron 16 quilos de centola e 4 útiles de pesca.


Ademais, nun operativo na praia de Area de Bon, en Aldán, os axentes comisaron preto de 6 quilos de centola, polbo e nécora e noutra actuación na ría de Vigo fixéronse con 7 quilos de bruños e cun equipo de mergullo.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress