Galicia está entre os destinos mellor valorados para 2016 de Lonely Planet
Unha vez máis, o potencial turístico da nosa comunidade vése recoñecido dende fóra das nosas fronteiras.
Unha vez máis, o potencial turístico da nosa comunidade vése recoñecido dende fóra das nosas fronteiras. Galicia comeza o ano como un dos dez mellores destinos para descubrir en 2016, segundo un ranking que elaborou a prestixiosa editorial de viaxes Lonely Planet en función da calidade do destino e dos seus prezos.
Na súa reseña sobre Galicia, Lonely Planet refírese á nosa comunidade como a última fronteira de España, un lugar que aínda non recibiu toda a atención que merece por parte dos viaxeiros. Aconseñan ir máis alá de Santiago de Compostela, descubrindo a costa rocosa, as pouco explotadas aldeas e unhas rías que definen como espectaculares.
Para Lonely Planet, Galicia é moito máis que un destino lowcost. Aconsellan descubrir os nosos bares de tapas, prestando especial atención á calidade das nosas carnes e dos nosos mariscos. Tamén lanzan a idea de achegarse nunha época tranquila para alquilar unha casa e descubrir a nosa rexión.
Nesta lista de destinos para 2016 Galicia comparte protagonismo con países como Estonia ou Bosnia Hercegovina, pero tamén con exóticas rexións de todo o mundo como a costa caribeña de Costa Rica ou o Oeste de Australia. A lista completa pode consultarse aquí.
Escribe tu comentario