Lalín presenta en Braga a "Festa do cocido", o prato rei da cociña galega
Lalín sela un acordo de colaboración con Braga trala súa visita promocional á cidade.
O alcalde de Lalín (Pontevedra), Rafael Cuíña, estivo este venres na localidade portuguesa de Braga para facer promoción de a "48 Festa do Cocido" da localidade, ao tempo que aproveitou para asinar un acordo de promoción turística.
O Mes do Cocido continúa deixando actividades por distintos puntos para abrir boca para a celebración da Feira do Cocido, o vindeiro domingo día 31. Unha destas iniciativas é o autobús do "Cocido en Ruta" que onte recalou na cidade portuguesa de Braga, onde Alex Iglesias, do restaurante Cabanas, e Luis Alberto Guerreiro, do restaurante Las Palmeras, cociñaron tapas de cocido para facer promoción de a cita entre os portugueses, na penúltima parada do seu periplo promocional antes de rematar hoxe en Santiago.
Ademais das accións de promoción, Cuíña aproveitou a visita para asinar co presidente da Cámara Municipal de Braga, Ricardo Río, un convenio de colaboración no ámbito turístico.
O documento establece a execución da promoción de turismo de Lalín en Braga, en concreto no relativo á Festa do cocido, e abre a porta a accións recíprocas neste ámbito.
Ademais destas iniciativas, no Cocido Solidario confirmou xa a presenza de tres alcaldes das Mareas: Jorge Suárez (Ferrol), Xulio Ferreiro (A Coruña) e Martiño Noriega (Santiago), o eurodeputado socialista, José Blanco, o secretario xeral do PSdeG, José Ramón Gómez Besteiro, e o conselleiro de Cultura, Román Rodríguez. Os beneficios destinaranse á Asociación de Rapaces e Amigos con Necesidades Especiais (Aranes).
Escribe tu comentario