Detido un home que intentou entrar a Eurodisney con dúas pistolas

A policía francesa detivo este xoves a un home armado na entrada dun hotel de Disneyland París, segundo informan os medios galos. O detido portaba dúas pistolas e foi interceptado á súa chegada ao hotel onde tiña unha reserva, segundo indican fontes policiais.

O home tiña ademais cartuchos e unha copia do Corán. Primeiro foi detido polos servizos de seguridade do hotel e despois pola policía gala, que acordoou un perímetro de seguridade ao redor do seu coche.

Hai que lembrar que Francia está en estado de emerxencia desde os atentados de París, nos que perderon a vida 130 persoas.