A Feira do Cocido congrega a máis de 50.000 persoas

|



A XLVIII edición da Feira do Cocido de Lalín non decepcionou,congregando a máis de 50.000 persoas nunha festa que o alcalde, Rafael Cuíña, pretendría "recuperar para o pobo".


"Recuperamos unha festa do pobo e para o pobo, para goce dos miles de visitantes que enchen as nosas rúas e que, sen dúbida, saben que en Lalín a nosa gastronomía, a nosa cultura, o noso excelente comercio, a nosa competitiva industria, e sobre todo as nosas xentes, son referente de calidade e esforzo para adaptarse aos novos tempos", destacou Cuíña.


O rexedor foi o encargado de abrir o acto deentrega do Premio Aldea Singular á parroquia de Soutolongo,evento ao que tamén acudiu o presidente da Xunta, Alberto Núñez Feijóo, quen mostrou o seu desexo de que a Feira do Cocido de Lalín obteña o "recoñecemento oficial internacional" que se merece.


Tras outorgar un galardón co que o Concello de Lalín busca "dar o protagonismo ao rural" dentro dos actos do Cocido, o xornalista e escritor Manuel Jabois deu lectura a un pregón no que reivindicou a "nova concepción revolucionaria da Feira do Cocido".


"Acabáronse os grandes dispendios, van ser porcos normais, da xente", chanceou Jabois durante o seu discurso no que asegurou estar "moi de acordo" de que esta celebración sexa, a partir de agora "unha festa diferente".


A continuación, o xornalista definiu ao cocido como "algo máis que unha comida". "As comidas, cando teñen vocación universal, adquiren unha categoría distinta co paso do tempo: pasan a ser escusas",asegurou para sinalar que este manxar é "a gran escusa" para reunirse os domingos.


DESFILE


Trala Intervención de Jabois, o municipio lalinense acolleu o desfile, un dos grandes atractivos principais do evento gastronómico e un dos actos que máis xente congrega en cada edición. Este ano a comitiva estivo dirixida polo actor lalinense Fran Lareu.


O desfile deu paso a outro dos principais actos desta renovada XLVIII Feira do Cocido. Así,a tradicional comida oficial á que acudían numerosas autoridades deu paso a un Cocido Solidario no hotel Torre do Deza.

relacionada Lalín celebra a Feira do Cocido

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress