A Semana Santa dará un respiro a preto de 16.000 parados

Achégase a Semana Santa e con ela a primeira gran campaña de contratacións do ano. O turismo impulsará as contratacións de camareiros, cociñeiros, limpiadores de hoteis... A empresa de recursos humanos Adecco prevé que se creen un total de 15.799 postos de traballo, ofrecéndolle un emprego provisional ao 7% dos galegos que se atopan actualmente nas listas do paro.

No conxunto de España, a tendencia tamén será positiva. Adecco conta con que se realizarán preto de 400.000 contratos na campaña de Semana Santa, algo que supón un incremento interanual do 14,1%. En concreto, 7 de cada 10 destes contratos realizaranse en Andalucía, Cataluña, Murcia, Madrid e Valencia, que un ano máis copan a atracción de turistas durante a Semana Santa.

Como cada ano hoteles, bares e restaurantes protagonizan o aumento da contratación, que aumentará nun 20% nestes sectores. Porén, tamén se prevé un aumento do 20% no sector da automoción, donde tradicionalmente se incrementan as vendas nesta época do ano.