Os socialistas critican que os contratos de Navantia cheguen só en "datas preelectorais"
Feijóo responde ironizando sobre a posibilidade de que a Armada australiana encargue barcos para apoiar a campaña do PPdG
O voceiro parlamentario e candidato ás primarias do PSdeG, Xosé Luis Méndez Romeu, afirmou hoxe no parlamento galego que os socialistas aplauden os novos contratos de Navantia. Pero tamén asegurou que "aínda aplaudiriamos máis se os contratos non se produciran só en datas preelectorais".
Ante estas insinuacións, o presidente da Xunta tirou de ironía. Alberto Núñez Feijóo prometeulle ao voceiro socialista que "trasladaría a súa queixa á armada australiana por facer campaña en favor do Partido Popular de Galicia".
Este cruce de declaracións prodúcese días despois de que o presidente da Xunta participase na presentacións dos novos contratos de Navantia, que se comezarán a construir o 1 de xuño de 2017 traendo carga de traballo para ata 3.000 traballadores durante os picos de producción.
Escribe tu comentario