​Pontevedra sae de novo á rúa contra ENCE

|



Unha nova manifestación percorrerá este sábado as rúas de Pontevedra, protestando contra a prórroga de 60 anos para ENCE aprobada polo goberno en funcións de Mariano Rajoy.


A marcha sairá ás 19:30 das alamedas de Marín e Pontevedra baixo o lema'Móvete pola ría', convocada pola Plataforma 'Ence fóra da ría' coa colaboración da `'Asociación pola Defensa da Ría (APDR)'. Ademais de reclamar o peche da pasteira, a marcha tamén esixirá o "saneamento integral" da ría e protestará contra a "eucaliptización".


Na presentación da marcha, o presidente da Federación de Asociacións de Veciños Castelao,Juan Loureiro, recordou que a "vocación" da ría é a "explotación racional dos recursos marisqueiros, da pesca de baixura e do turismo", unha fonte de riqueza "para a que é absolutamente indispensable conseguir uns niveis de calidade das augas que hoxe, por desgraza e por moi diversos motivos, non se está conseguindo".


Neste sentido, o presidente da APDR,Antón Masa,sinalou que son moitas as fontes de contaminación que provocan esta situación, de forma particular a falta dunha depuración idónea das augas residuais de orixe doméstica "e a presenza do complexo Ence-Elnosa".


Aseguran que a recente concesión por parte do goberno en funcións dunha prórroga de 60 anos á empresa Ence na ría"supón un duro golpe ás posibilidades de saneamento da ría e a hipoteca do futuro da comarca".


Están convencidos de que mentres a prórroga da concesión non sexa unha decisión firme,"existen posibilidades de revogala",tanto pola vía administrativa como xudicial. Pero fan fincapé na importancia da mobilización social, como "unha vía tamén fundamental para conseguir que o saneamento integral da ría chegue a bo porto".

relacionada El Congreso reclama anular la prórroga de ENCE
relacionada A Asociación pola Defensa da Ría levará ata os tribunais a loita contra ENCE
relacionada Miles de persoas maniféstanse contra a prórroga de ENCE
relacionada O Goberno en funcións prorroga 60 anos a concesión de Ence en Pontevedra

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress