En Marea quere sacar a Reganosa "fóra da ría"
Chama aos galegos a mobilizarse para que se poida "exercer o poder popular" sobre a compañía
Aproveitando o primeiro día de campaña, o cabeza de lista de En Marea por A Coruña, Antón Gómez Reino, chamou aos galegos a mobilizarse para que das vindeiras eleccións do 26 de xuño saia "unha maioría de cambio" que permita "exercer o poder popular" e sacar a Reganosa "fose da ría".
O candidato fixo estas declaracións nas inmediacións das instalacións da compañía en Punta Promontorio, no municipio de Mugardos, un escenario no que agradeceu "a loita que, durante tanto tempo, veu exercendo" o Comité de Emerxencia da Ría.
"Son deste tipo de loitas popular de onde naceron o movemento que agora tratamos de levar ás institucións". Ademais, Reino tamén censurou que Feijóo afirme que "se está cumprindo coa legalidade". "Aquí non se está cumprindo coa legalidade, hai que tomar cartas no asunto e por iso chamamos á cidadanía galega a mobilizarse".
Pola súa banda, a número 2 das listas coruñesas, Yolanda Díaz, adiantou que a súa formación presentará un recurso tras coñecer este xoves, día 9, por parte do presidente do Congreso dos Deputados, Patxi López, que non se convocará a Comisión Permanente da Cámara Baixa para abordar a decisión do Consello de Ministros de eximir a Reganosa de presentar declaración de impacto ambiental (DIA) para a súa planta na ría de Ferrol.
A política ferrolá volveu asegurar que a decisión tomada o 27 de maio "está a vulnerar un principio constitucional fundamental, como é o principio de separación de poderes". "O que fixo o Goberno é ditar un acto administrativo e a través diso legalizar unha empresa que é ilegal, perigosa e insalubre". Asegura que en "En Marea imos gañar e imos impedir que Reganosa sigua traballando no noso país".
Escribe tu comentario