Galego
La única newsletter de sanidad de Galicia
O Cunqueiro bota a andar un Banco de Leite Materno
É unha instalación "demandada" polas familias e que conta xa con 15 doadoras. O persoal recibiu formación especializada
Aquelas nais que non poidan proporcionar a lactancia aos seus bebés "por diversas circunstancias clínicas que o contraindiquen", poderán acceder ao Banco de Leite Humano que acaba de abrir o Hospital Álvaro Cunqueiro de Vigo.
O proxecto, que será de referencia para as provincias de Pontevedra e Ourense, é unha instalación "longamente demandada tanto polas familias de recén nacidos como polas propias nais que estaban en disposición de ser doadoras", sinala o Sergas nun comunicado.
Polo momento, conta xa con 15 mulleres doadoras, "unha cantidade importante se se ten en conta que só leva unhas semanas aberto".
O proxecto foi elaborado polo Servizo de Pediatría e pola sección de Neonatoloxía, e colaboraron tamén profesionais sanitarios de Atención Primaria. O Banco de Leite conta, en inicio, con tres facultativos especialistas en Neonatoloxía, unha anfermeira de Nutrición e un técnico de laboratorio. Todos eles recibiron formación especializada a cargo de profesionais do Hospital 12 de Outubro de Madrid.
