​Jorge Suárez: "Non había unha relación pacífica entre as partes"

|

JorgesurezferrolalcaldeO alcalde de Ferrol, Jorge Suárez, enmarcou o paso adiante que decidiron dar os tres rexedores das mareas das cidades na necesidade de "aliviar tensións" internas na coalición de En Marea e "crer todos, máis aló das palabras, na unidade".


"Levamos unhas semanas despois dos resultados das xerais tendo contactos entre alcaldes, organizacións, como xa dixen algunha vez, é o momento de enterrar a machada de guerra, tampouco é que houbese unha guerra moi cruenta, pero non había unha relación pacífica entre as partes", explicou, en declaracións aos medios, o rexedor ferrolán.


Os alcaldes de Ferrol, A Coruña, Xulio Ferreiro, e Santiago, Martiño Noriega, comparecen este martes para facer un "chamamento á unidade", como ratificou o propio Jorge Suárez na rolda de prensa sobre asuntos locais da mañá desta xornada, a preguntas dos medios. Respecto diso, lembrou que tanto en Ferrol en Común, como en Marea Atlántica e en Compostela Aberta hai unha "pluralidade de forzas", con xente de Esquerda Unida, Anova e Podemos, e que neste marco tamén se encadra a acción conxunta dos alcaldes.


"Cremos que necesitamos dar este impulso para converter en realidade a aspiración que temos, que é que a unidade popular tome o poder da Xunta de Galicia e, para iso, necesitamos que sexa completa e real", salientou.


Na súa intervención tamén foi interpelado polo portavoz nacional de Anova e veterano político, Xosé Manuel Beiras, de quen destacou o "papel claro" que xogou na "configuración da esquerda plural e nacionalista". Así, e tras asegurar que descoñece as súas intencións e afirmar que "hai máis unidade" entre eles do que se transmite (en alusión á candidatura), sentenciou que Beiras, "se quere xogar un papel, será o que el determine, como calquera persoa que queira estar no proceso".


relacionada ​Os alcaldes das mareas dan un paso á fronte para avivar a confluencia
relacionada ​Non vai haber adianto na data das autonómicas de outono
relacionada As mareas envían mensaxes de unidade mentres buscan a fórmula para elixir o candidato á Xunta

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress