​Non vai haber adianto na data das autonómicas de outono

|

FeijoodesayunostveAs eleccións galegas serán o 16 ou o 23 de outubro. Así o adiantou esta mañá Alberto Núñez Feijóo nunha entrevista concedida a Los Desayunos de TVE. O presidente da Xunta insiste en que vai esgotar a lexislatura en Galicia e recordou que as anteriores autonómicas, as de 2012, se celebraron o 21 de outubro. Polo, tanto, a súa intención é repetir datas, pero deixou no aire a que será a definitiva: "lamentablemente neste momento non o podo dicir".


No calendario de 2016 os domingos máis próximos son o 16 e o 23 de outubro, días nos que Núñez Feijóo "supón" que volvan coincidir tamén as eleccións no País Vasco, tal e como afirmou a semana pasada. "É verdade que as dúas últimas contendas electorais, en 2009 e 2012, fixémolas co País Vasco, e hai unha serie de condicionantes que están encima da mesa", dixo, sen precisar a que se estaba referindo.


Feijóo falou tamén de posibles pactos para gobernar España e insistiu na 'gran coalición' para "facer un gran servizo ao país" e dar a Europa unha mensaxe de estabilidade. "O PSOE sabe que ten as portas abertas para falar da gobernabilidade de España no formato e na fórmula que considere máis oportunos", dixo.


SITUACIÓN COMPLICADA

O presidente galego recoñeceu que a situación é máis complicada que en 1996, e deu por feito que sería máis sinxelo formar goberno se o PP puidese alcanzar a maioría absoluta só co apoio de PNV e Coalición Canaria (CC).


En todo caso, avisou de que se non se forma un goberno pronto o país "pode colapsar" porque as comunidades autónomas necesitan coñecer o teito de gasto para 2017 e teñen que aprobalo as Cortes a proposta do Goberno. Entre tanto, dixo, as comunidades autónomas non poden facer os seus orzamentos e non saben canto diñeiro teñen para investir en educación ou en políticas sociais.

relacionada ​La fecha de las elecciones no dependerá de "intereses partidistas"
relacionada ​Beiras: "No se va a decidir en Madrid lo que se va a hacer en Galicia"
relacionada ​Esquerda Unida mete prisa para elegir candidato

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress