​O festival 'V de Valarés' invade unha praia de máxima protección ambiental

|

Praiabalares

A Plataforma Salvemos Cabana pide á Consellería de Medio Ambiente que non autorice a celebración do festival 'V de Valarés' nunha zona de máxima protección da Rede Natura 2000. O seu escrito de queixa no rexistro da Xunta únese á denuncia doutros colectivos como a Sociedade Galega de Historia Natural.


A Plataforma explica que o festival de praia, xestionado desde a Fundación Eduardo Pondal e "autorizado de maneira incomprensible", pretende desenvolverse dentro dun "espazo de máxima protección", Praia de Balarés.


En concreto e segundo os datos oficiais da Rede Natura, na Zonza de Especial Conservación Costa da Morte atópanse "ata 23 hábitats de interese prioritario e a presenza de especies moi destacadas a nivel de fauna e flora". Citan á a Omphalodes littoralis, endémica da costa galega, presente no "Catálogo Galego de especies ameazadas" e en perigo de extinción no "Libro Vermello da flora vascular ameazada de España".


DEBE PROHIBIRSE NA ACTUAL LOCALIZACIÓN


Por iso, a Plataforma defende que non "pode nin debe autorizarse baixo ningunha circunstancia unha actividade recreativa destas características no máis sensible da Rede Natura 2000", moito menos cando se trata dunha actividade na que "durante tres días, do 12 ao 14 de agosto, prevese a participación de miles de persoas e mesmo a organización está a comercializar unha macro acampada no piñeiral anexo á praia".


Solicitan, por tanto, que o festival se traslade a "un emprazamento que non invada zonas protexidas", e tendo presente que "o maior legado da zona ás xeracións futuras é precisamente a súa paisaxe e a súa biodiversidade e que a celebración dunha festa de praia no corazón dunha contorna protexida non é mellor ferramenta para favorecer a súa conservación".

relacionada ​Salvemos Cabana e AGE non conseguen que a Xunta xestione o dolmen de Dombate
relacionada Salvemos Cabana reclama a la Xunta mayor seguridad en la mina de Monte Neme
relacionada Salvemos Cabana cree que “se hubiera ahorrado mucho dolor” si la Xunta “hubiera actuado de manera responsable desde el comienzo”

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress