Os tempos que marca Rajoy, vistos como unha "xogada de póker"

|

Anapontonvigolistas


A portavoz nacional e candidata do BNG á presidencia da Xunta de Galicia, Ana Pontón, criticou este venres a "xogada" de Mariano Rajoy, en relación coa data do debate de investidura, porque "a súa única estratexia é a de impoñer un Goberno e o seu programa, baixo a ameaza de ter que ir votar o 25 de decembro".


Segundo a líder nacionalista, a actitude do líder do PP non vén senón a "alimentar" o "pobre e decadente espectáculo da política madrileña e dos partidos estatais". "Un triste espectáculo, o que dan", abundou. Así, lembrou que, hai meses, PSOE e Podemos estiveron "a xogar ao gato e ao rato" e, en lugar de cumprir a súa "promesa" de botar a Rajoy, reforzárono a el e á dereita.


Mentres, incidiu, "Galicia estivo desaparecida, e non pintou absolutamente nada", e criticou que "os catro partidos estatais" ofrecen, un ano despois, "o mesmo".


"ESTRAGAR O NADAL"


Podemos, o novo Partido Demócrata Catalán (PDC) --a antiga Convergència--, En Comú Podem, EU e ERC consideran que a data fixada para celebrar o debate de investidura de Mariano Rajoy é un instrumento para presionar máis ao PSOE ante a ameaza de que, se hai que convocar unhas terceiras eleccións, celebraríanse o 25 de decembro, día de Nadal.


Así o poñen de manifesto dirixentes destas cinco formacións políticas en mensaxes publicadas en redes sociais. O secretario de Organización do Podemos, Pablo Echenique, xa vaticina mesmo presións no PSOE para 'dobregar' a Pedro Sánchez: "Sae Susana Díaz xunto a (Javier) Lambán e (Felipe) González dicindo que o PSOE non pode ser culpable de estragar o Nadal aos españois en 3, 2, 1...", escribiu.


"ENXEÑERÍA POLÍTICA AVANZADA"


Desde En Comú Podem, o seu portavoz parlamentario, Xavier Domènech, pronunciouse sobre a data fixada para a investidura afirmando que "presionar cunhas terceiras eleccións en Nadal para obrigar a votar ao PP é de enxeñería política nivel avanzado".


E o coordinador federal de Esquerda Unida, Alberto Garzón, tachou de "nova xogada de póker" a estratexia do PP de fixar a investidura o último martes de agosto, aínda que tamén advertiu de que, desta forma, "esnaquizan a política".


Doutra banda, o portavoz de CDC no Congreso, Frances Homs, mostrouse convencido en Twitter de que a investidura "está pensada para presionar máis" ao líder do PSOE, Pedro Sánchez, para que dea a súa abstención aos 'populares': "Aguantará?", cuestiona o deputado independentista.


Para o portavoz de ERC na Cámara Baixa, Joan Tardà, a concreción da investidura o 30 de agosto reflicte que o Goberno en funcións "continúa actuando en contra dos intereses da cidadanía". Tardà, que reaccionou así en declaracións aos xornalistas nos corredores do Congreso: "Denunciamos este vodevil, este sainete que é unha vergoña (...) este desgoberno que aparentemente é venial e francamente mortal", dixo.

relacionada ​PP y C's rubrican el acuerdo
relacionada Rajoy se someterá a la votación de investidura el día 31

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress