​A alcaldesa de Lugo pide unha reunión cos adxudicatarios das casetas do polbo

|

Casetaspulpo


A alcaldesa de Lugo, Lara Méndez, anunciou este venres que o Concello pedirá unha reunión coas empresas adxudicatarias das casetas e os caldeiros do polbo das festas de San Froilán.


Deste xeito, pretende resolver a polémica levantada ao redor desta adxudicación, na que a consultora madrileña Bruxa Consulting gañou os concursos de tres das catro casetas e tres dos catro caldeiros, chegando a poxar ata 10.000 euros máis do prezo de partida.


A rexedora avanzou que na reunión trasladará "a importancia" das casetas do polbo para as festas patronais de Lugo: "Trasladaremos a súa importancia pola tradición das mesmas e para que os lucenses e visitantes poidan gozar destes festexos e, por suposto, tamén dun elemento tan significativo de San Froilán como é o polbo", explicou.


Con todo, a rexedora insistiu en que o Concello "non pode limitar a competencia nin impedir que ningunha empresa se presente ao proceso de licitación".


Así mesmo, advertiu que realizarán un seguimento para "garantir" que durante o San Froilán se poida degustar o polbo. "O polbo e o San Froilán son un binomio indisociable, porque non podemos pensar no San Froilán sen pensar no polbo", resolveu Méndez.



relacionada ​Los pulpeiros clásicos de San Froilán se quedan sin caseta los próximos 4 años
relacionada O goberno de Lugo defende que a adxudicación das casetas do polbo foi "legal"

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress