UU.AA. tacha de "aberración" que a redución de produción láctea sexa voluntaria
Os produtores poden solicitar as axudas de 14 céntimos por litro que deixen de producir con respecto ao mesmo mes do ano pasado ata o día 21.
O secretario xeral de Unións Agrarias, Roberto García, tachou de "aberración" a proposta da Comisión Europea para regular o mercado lácteo con incentivos voluntarios de abandono temporal da produción de leite.
Os produtores poden solicitar as axudas de 14 céntimos por litro que deixen de producir con respecto ao mesmo mes do ano pasado ata o día 21.
Segundo detallou García, "non ten ningunha lóxica" que a UE tente regular un mercado de forma voluntaria, porque "nos se pode atopar que aínda que haxa xente que se acolla á medida, paradoxalmente, a final de ano pode haber máis leite, porque "ninguén prohibe seguir aumentando a produción a quen o desexe".
Así mesmo, Roberto García apunta que ao ter que reducir polo menos 1.500 quilos mensuais a produción con respecto ao mesmo mes do ano anterior, serán poucos os gandeiros que poidan afrontalo. "Acollerase xente que xa se ía a retirar ou explotacións que teñan que sacrificar animais por baixas producións", explicou.
Ademais, Roberto García avisa de que pode volver rexurdir o famoso "leite negro" existente en épocas de existencia das cotas lácteas. "Pode haber primeiros compradores que declaren o leite dun gandeiro coma se fóra doutro para beneficiar a algunhas partes", advertiu.
Para Roberto García, unha solución deste tipo para o sector debería pasar por "unha medida de redución obrigatoria para os países que máis creceron en produción nos últimos meses, Holanda e Irlanda".
Escribe tu comentario