O sector pesqueiro clama "un cambio de rumbo" de cara ao 25S

O sector pesqueiro galego trasladará as súas demandas este venres, 16 de setembro, ás forzas políticas para a nova lexislatura na Comunidade.

O pasado 21 de xuño o sector do mar --con participación de confrarías, produtores de mexillón e sindicatos, entre outros-- reuniuse con PP, PSdeG, BNG, En Marea, así como Ciudadanos, para esixirlles "compromisos" co fin de conseguir "un cambio de rumbo" nas políticas actuais.

De novo, nesta ocasión o sector pesqueiro cita ás mesmas forzas para abordar a "grave situación" que atravesa o sector pesqueiro, do que dependen 33.000 empregos directos, co fin de que inclúan nos seus programas as súas propostas.

A cita será ás 16,30 horas o 16 de setembro no edificio Cersia de Santiago de Compostela, segundo informaron nun comunicado os impulsores do encontro.