#Claves de la semana

Sánchez: "Quen crea que ten un proxecto mellor, que dea un paso á fronte"


Na rolda de prensa que ofreceu tras a reunión da Permanente da Comisión Executiva, Sánchez mostrouse convencido de que o Comité Federal non poñerá "impedimentos" a que se dea a palabra aos militantes. 

 


|

Pdrsnchzpsoe


Pedro Sánchez non cede e está disposto levar ata o final o seu pulso co sector máis crítico coa súa figura, principalmente o de Susana Díaz.


Lonxe de ceder á presión interna do seu partido, --sobre todo tras os moi malos resultados do domingo nas eleccións galegas e vascas--, o secretario xeral do PSOE desafía ao seu críticos e apela aos militantes.


Sánchez defendeu este luns que "chegou a hora" de que a militancia peche o debate interno que, asume, está a ter lugar no seo do PSOE sobre se o partido debe ou non absterse ante unha investidura de Mariano Rajoy.


Por iso expuxo a convocatoria dunhas primarias para elixir o secretario xeral o próximo 23 de outubro e retou a quen crea que ten un "proxecto mellor" que o seu a competir nesas eleccións internas. "Quen crea que ten un proxecto mellor que dea un paso á fronte", remachou.


Na rolda de prensa que ofreceu na sede federal do partido tras a reunión da Permanente da Comisión Executiva, Sánchez mostrouse convencido de que o Comité Federal do próximo sábado non poñerá "impedimentos" a que se dea a palabra aos militantes. Ademais, deixou claro que el se presentará á primarias para defender un PSOE que non sexa "subalterno" do PP.


Sánchez, quen rexeitou avanzar se dimitirá se o máximo órgano entre congresos non avala os seus plans alegando que non responde a "hipóteses", subliñou que o debate aberto no PSOE non é "menor" nin "técnico", senón "de fondo" porque marcará a liña que deberá seguir o partido nos próximos anos.


XUSTIFICA A NECESIDADE DUN CONGRESO


Para o secretario xeral do PSOE, os socialistas teñen só tres opcións: "Que Rajoy lograse os apoios necesarios sen o concurso do PSOE, o cal parece farto improbable; que o PSOE tente conformar unha maioría parlamentaria para un goberno de cambio; ou ir a unhas terceiras eleccións. E xa lles digo que o PSOE non quere ir a unhas terceiras eleccións, e esperamos que o resto de formacións políticas do cambio fagan o indecible".


Por iso ve pertinente que se traslade o debate á militancia nun Congreso: "Por iso, o 1 de outubro no Comité Federal propoñerei un Congreso para decembro coa elección por primarias do secretario xeral o 23 de outubro". E unha vez que pase isto, debe haber unha soa voz no PSOE, a do seu secretario xeral. Por suposto voume presentar para defender un PSOE de esquerdas, unido, dialogante e que aspire a ser o referente de esquerdas".


relacionada ​Pedro Sánchez quiere un congreso del PSOE en diciembre y primarias en octubre
relacionada ​Iglesias reclama a Sánchez una negociación de "igual a igual"
relacionada Rajoy, reforzado y Pedro Sánchez, tocado de muerte
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE