Un 19% menos de galegos se dan o 'luxo' de ir de viaxe

|

Viajeroaeropuertoemigracion


Os galegos realizaron durante o segundo trimestre de 2016 un total de 1.972.015 viaxes, o 4,6% dos que tiveron lugar a nivel nacional, o que supón un 19,39% menos que no mesmo período do ano anterior.


Así o evidencia a Enquisa de Turismo de Residentes feita pública este mércores polo Instituto Nacional de Estatística (INE), que apunta a que os galegos realizaron neste período 5.767.024 pernoitas, un 16,35% menos que o ano anterior.


A duración media das viaxes realizadas polos galegos foi de 2,92 días, similar á media nacional, de 2,98 días. O gasto medio por persoa e día foi de 62,92 euros, 3,11 puntos por baixo de hai un ano.


Do total de viaxes realizadas polos galegos no segundo trimestre, o 7,35% --145.146-- foron ao estranxeiro, mentres que 1.829.869 viaxes foron ao territorio nacional --1.357.921 dentro de Galicia--.


Por outra banda, os residentes en España realizaron 2.057.845 viaxes a Galicia no segundo trimestre do ano, o 4,8 por cento dos movementos nacionais. A duración media destes desprazamentos foi de 2,8 días e o gasto medio diario de 54 euros.


DATOS NACIONAIS


Os residentes en España realizaron 42,8 millóns de viaxes no segundo trimestre, o que supón un descenso do 8,5% respecto ao mesmo período do ano anterior.


O 92,1% das viaxes tivo como destino principal o territorio nacional, cun descenso do 8,5% respecto ao segundo trimestre do ano pasado, mentres que as viaxes ao estranxeiro, que representaron o 7,9% do total, retrocederon un 8,9%.


UN 6,1% MÁIS EN SEMANA SANTA


O organismo estatístico lembra que este ano a Semana Santa celebrouse en marzo, mentres que en 2015 tivo lugar entre marzo e abril. Por iso, ve conveniente analizar no seu conxunto os datos do primeiro semestre de ambos os exercicios.


Nos seis primeiros meses de 2016 as viaxes realizadas polos residentes incrementáronse un 4,6% respecto ao mesmo período do ano anterior. As viaxes con destino principal España creceron un 4,6% e as viaxes ao estranxeiro aumentaron un 5,1%.


Durante as vacacións de Semana Santa, realizáronse máis de 6,5 millóns de viaxes, un 6,1% máis que en 2015.

relacionada 50.000 traballadores galegos en "condicións precarias" son a 'cara B' do auxe do turismo
relacionada ​Boiro no top 20 das localidades de España líderes en turismo rural

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Cabecerarecomendados 1
Cabeceraultimahora
Cabeceralomasleido 1


Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress