​A competición europea volve dez anos despois a Balaídos

Entre o ruxe ruxe da venda do club, no extradeportivo, e as cousas que comezan a ir mellor na liga, o Celta recibe este serán o Panathinaikós grego. Balaídos volve acoller dez anos despois un partido de competición europea.

Despois do punto sumado en Bélxica contra o Standard de Lieja, os celestes agardan facer valer o empuxe da afección propia e a boa xeira na que chegan (7 puntos nos últimos 3 partidos) para sacar un resultado positivo pensando en superar a fase de grupos. O adestrador, Berizzo, manifestou na previa do encontro que son quen de se impoñer ao rival que sexa. Na mesma comparecencia, Iago Aspas expresou o seu desexo de "que desfrute a afección tanto como o vou facer eu no campo".

🔊 Berizzo y Aspas hablan en la previa del partido de #UEL ante Panathinaikos. ¡Europa vuelve a #Balaídos!

▶ https://t.co/FILReKOdsJ #celpao pic.twitter.com/XDcC2j5GdQ

— RC Celta (@rccelta_oficial) 28 de septiembre de 2016

Ante o líder da liga grega, Berizzo, que deu a lista de convocados no día previo ao encontro, manterá o bloque de titulares, pero dará oportunidade a algún dos suplentes pensando na visita do Barça do domingo en Liga.