​A afección do Celta, contrariada pola inminente venda do club a un investidor chinés

|

Aficioncelta

//Foto: @1923NOS twitter


O Colectivo Nós, que agrupa máis dun cento de socios do Celta de Vigo, mostra o seu "descontento e rexeitamento" á venda do club a un grupo investidor chinés.


Os afeccionados celestes entenden que Carlos Mouriño "está no seu dereito" e pode vender as súas accións en calquera momento, polo que o seu "rexeitamento non radica na venda, senón en a quen se vende".


O comprador será o grupo chinés CITS (China International Travel Service). As conversacións están moi avanzadas, aínda que aínda quedan trámites que impiden establecer prazos. De todos os xeitos, xa se falou de que a intención do presidente é facer o anuncio na xunta xeral de accionistas que se celebrará antes de final de ano.


"Esta venda iría contra os valores que Mouriño defendeu durante a década que estivo á fronte do club, na que a identificación do club coa cidade de Vigo, en particular, e con Galicia en xeral foi un dos alicerces que acompañou a súa política de márketing durante estes anos", critican.


Colectivo Nós lamenta que o presidente entenda o Celta como "un simple negocio" co que rendibilizar o seu investimento, e acúsao de esquecer a parte "pasional" e os afeccionados. "De confirmarse tal noticia, sería un triste epílogo ao que podería ser recoñecido como o mellor presidente da historia do club", sosteñen.


Por tanto, piden a Carlos Mouriño que reflexione: "non deixe ao club en mans alleas, non entenda ao Celta como un negocio máis, non xogue coas ilusións de miles de persoas. Faga o posible e o imposible para que ese paquete accionarial quede en mans galegas aínda que a operación non lle sexa tan rendible".

relacionada ​Mouriño, a punto de vender el Celta a inversores chinos

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress