#Claves de la semana

​Máis presión para que Pilar Cancela "asuma responsabilidades"

Carmela Silva reitera a petición de que dimita, unha postura que colle forza entre os socialistas da provincia de Pontevedra.


|

Carmelasilva 1


A presidenta da Deputación de Pontevedra, a socialista Carmela Silva, pediu á presidenta da xestora do PSdeG, Pilar Cancela, que "asuma as súas responsabilidades ante o estrepitoso fracaso" dos socialistas galegos as eleccións do 25S, "e que o faga xa". Santos Héctor, secretario do PSdeG na provincia de Pontevedra, manifestárase no mesmo sentido, alegando que os "pésimos resultados" e a caída da Executiva que a nomeou arrebatáronlle a súa "lexitimidade" para seguir á fronte do partido en Galicia.


"Xa levamos tempo pedindo a súa dimisión, hoxe non é o primeiro día no que o facemos", indicou a mandataria socialista nunha conferencia de prensa na que insistiu en que "os galegos falaron alto e claro" nos comicios e "dixeron que o proxecto que Pilar Cancela defendía, protagonizaba e dirixía, fracasou estrepitosamente".


Carmela Silva considera que "Galicia, igual que España, necesita un PSOE forte", polo que cre que "aqueles que o debilitaron deberían asumir as súas responsabilidades", algo que "forma parte da cultura política do partido".


"A señora Cancela dinamitou un proxecto que ía fortalecer ao Partido Socialista de Galicia e non a persoas individuais", reprochou Carmela Silva, tras o que engadiu que "cando alguén se equivoca e o fai dunha forma tan radical", ten "que ser xenerosa, ten que ter dignidade" para que o proxecto socialista "se fortaleza". "Marchar ben é un acto político que demostra a grandeza de quen o fai", apostilou.


POLÍTICA NACIONAL


En referencia á recollida de firmas impulsada pola corrente Izquierda Socialista para que os militantes promovan asembleas nas agrupacións para consultar a postura das bases sobre unha posible abstención na designación de Mariano Rajoy como presidente, Carmela Silva asegurou "non compartir" as "visións asemblearias dos partidos".


"Eu non son de Podemos, son do Partido Socialista", subliñou Silva. "As cuestións que promoven o asamblearismo non as comparto, eu creo firmemente na democracia representativa" ha indicado, entre críticas a eses modelos "que poñen os militantes como escudos".


Tambíen abordou Carmela Silva das "condicións da abstención socialista" que están a impoñer varios dirixentes do Partido Popular, con mensaxes enfocadas a que deben garantir a gobernabilidade e comprometerse na viabilidade da lexislatura, ante o que pediu a Rajoy "que non se esconda e que non tente culpabilizar a outros".

relacionada ​Pachi Vázquez critica que Pilar Cancela "se atornille a la silla"
relacionada ​La gestora del PSdeG, en la cuerda floja
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE